Myndlistasýning

A.T.H.

Núna er ég með sýningu á pennateikningum í Hamraborg á Ísafirði,

(BESTU SJOPPUNNI Í BÆNUM)

Endilega að kíkja, allir velkomnir.

Jább ég er sátt!!!

Vá!!! Þarna munaði mjóu... ég var rétt búin að setja inn færsluna þá drap tölvan á sér...vá ég er í sjokki

Kannski er hún andsetin, og svona rosalega stríðin.

Kannski er þetta bara ég sem sendi frá mér einhverjar bylgjur þetta er akkúrat tíminn sem allar perur á heimilinu springa....

En ég er viss um að þvottavélin fór ekki út af mér, hún var orðin rúmlega 8ára

En hvað um það vona að þessi færsla skili sér, og ef tölvan gefi mér lengri tíma bæti ég nokkrum myndum inn í albúm. 

Sátt?

Það getur tekið tíma að sættast.... er ekki betra að vera sátt en ósátt?

ég var ósátt við tölvuna en er að ná sáttum við hana, held ég... vona að hún slökkvi ekki á sér núna.

Hún leifði mér meira að segja að setja myndir inn, það gekk betur en ég bjóst við.  Ég á það til að hafa enga trú á mér, sérstaklega þegar tölvur eru annars vegar.

Ég var að tala við Loga minn í gær,  málið er að fá góða hugmynd sem virkar fínt uppá að fá styrk. Smásala er ekki að virka nóg, vantar meiri seðla, Sérstaklega þegar mestur tíminn fer í það að læra. 

Það væri gott að hafa einhvern styrktaraðila t.d. Bónus sem myndi borga mér fyrir að læra bókbandið og í staðinn myndi ég setja Bónusgrísinn á fyrstu 100 bækurnar sem ég bind inn.

 

 

 

Æ"%&$#*+??

jkfsdkjhvajsdhvhsadvcsdiufhlie

Var búin að skrifa í 30 mín og tölvan drap á sér Æ"%&$#*+??

 

 

Daskránni er lokið. 

GÓÐA NÓTT

Gleðilegan bóndadag!

Ég keypti engin blóm, konfekt, sexí nærföt (á mig) í dag.... fyrir hann.

Hann er ekki heima eins og flestir eru búnir að taka eftir.

Neibb.... hann fær eitthvað af þessu þegar hann kemur heim í helgarfrí !

Smá Söknuður....

Ég er orkulaus...algerlega orkulaus!

Kannski vantar mig meiri sól....

minna myrkur, fleiri kerti.

Spark í rassinn,

Loga.... smá LOGA !

Til að hita mér.......

 

 

Bókband

Það er frábært hvað hægt er að laga ljótar bækur, en það er puð, samt gaman og það verður spennandi að sjá hvernig tekst til hjá mér.  S.s. ég er ekki ennþá búin að klára mína fyrstu, því það er best að binda nokkrar í einu.  Límið þarf að þorna, bókina þarf að pressa aftur og aftur.

Annars var nokkuð fyndið  að opna fyrstu bókina sem ég reif í sundur, gömul námsbók, útkrotuð frá Reykholtsskóla. Nöfn nemanda og heimilisföng og hvað sé ég Agnar Friðriksson Hamrahlíð 27, þar bjuggum við Logi í tvö ár, og Agnar er föðurbróðir Loga og bókina fékk ég á bókasafninu til að laga. (er verið að segja manni einkvað???)

Davíð Kristjánsson (besti bókbindari landsins!) er að kenna mér (og öðrum Heldriborgurum) að binda inn, svo að ég mæti þarna tvisvar í viku og skemmti mér alveg konunglega.

Og svo að þið vitið það þá er hægt að binda inn allan fjandann, t.d. gömlu ástarbréfin frá ömmu til afa, gömul blöð í öllum stærðum og gerðum, dagatöl( kannski er einkver að safna, Hugmynd

Ég er ekki að auglýsa mig!!!

 

Þessi elska!

Svefnlaus nótt..... hausverkur....suð....hálsrígur...bakverkur! Annars hef ég það fínt, ég er ekki veik!

Neibb en dóttir mín fimmára var veik í nótt. Hress í dag, er ekki í leikskólanum og er nokk ánægð með að hanga heima með mömmu.

En í nótt var hún veik og volandi.. mamma mér er kalt og ýlt í maganum, mamma galdraðu magann. mamma ekki hreifa þig, náðu í boltann (kvað kemur bolti þessu við?) mamma haltu hendinni svona það er betra.....ég á hann (boltann?)

Þannig að ég svaf lítið í nótt en bætti það upp í morgun og kúrði með henni  frameftir

Í dag fær hún að hanga með mér á vinnustofunni, meðan ég tæti upp og tek sundur bækur, þá verð ég betur undirbúin fyrir námið í bókbandinu á fimmtudag. (ég átti að vera á elliheimilinu í dag.)

Kannski fær hún að mála eða leira þessi elska!

Síðasta kvöldmáltíð lyklaborðsins

Loksins!!! Loksins !!!!

Ég er Loksins búin að fjárfesta í nýju lyklaborði.  Frá því að við komum heim úr Jóladalnum( Haukadal)

hef ég beðið eftir því að getað skrifað annað en b+ebee+++eeb sem voru einu takkarnir sem virkuðu á gamla lyklaborðinu.  Músin var í lagi en lyklaborðið að gefa upp öndina.

Ég var búin að vara börnin við að fóðra það og ekki borða yfir því, og eftir miklar rannsóknir og yfirheyrslur hef ég komist að því að síðasta máltíð lyklaborðsins var Hudlotion frá Neutral,( ikke tilsat parfume og farvestoffer.)

 

Annars er allt med de samme nema Logi og Sunneva farin frá okkur stelpunum, og við aleinar (3 saman) í stóra húsinu.

 Logi farinn að leikstýra á Sigló og Sunneva farin í Iðnskólann í Reykjavík. Miss you 2

Ég er á fullu að listast, safna myndum og læra bókband með Heldriborgurum á Þingeyri.

 

Og á meðan ég man..... GLLLLEEEEÐÐÐIIILLEEGGT NNNÝÝÝÝTTTÁÁÁÁRRRRR KÆRU VINIR!

Hugmynd

Hvaðan koma hugmyndir, og hvert fara þessar ónotuðu.  Er möguleiki á að þær fari á milli manna...og kvenna 

Ég er alltaf að fá hugmyndir, þær bara koma!  Troða sér inn í hausinn á mér??? (kannski valda þær þessum hausverk?  Allavega er nóg af þeim (hugmyndunum), sem ætti að vera frábært fyrir listamann. En þær koma á öllum tímum og erfitt að stöðva flóðið.

Þær koma t.d. á kvöldin þegar ég er komin upp í rúm og er að reyna að lesa bók, þá verð ég að leggja bókina frá mér, því ég geri ekkert annað en að fletta til baka því ég man ekki hvað ég var að lesa.  

Þær koma þegar ég er á röltinu eða á kaffihúsi, þá á ég það til að setjast út í horn eða taka ekkert eftir fólkinu í kringum mig.  Ég held að það líti stundum út eins og ég sé merkileg með mig(ég hef heyrt það ) En fyrirgefið mig, stundum sé ég ykkur alls ekki (strax)

Þær koma á tónleikum, þá finn ég sérstaka þörf til að taka upp blokk og blýant jafnvel liti. (kannski tek ég með mér trönur næst)

Þær koma þegar ég er að vinna að einhverju verkefni sem ég verð að klára og get alls ekki  prófað nýju hugmyndina. (það er mest pirrandi)

Þær koma líka þegar ég er að horfa á mynd, fer í búð, skrepp á klóið......og svo framvegis.

Ég er ekki að kvarta!, það eru örugglega einhverjir þarna úti sem kannast við þetta

Fyrst ég get tekið á móti öllum þessum hugmyndum, hlít ég að geta sent þær ónotuðu áfram, og svo koll af kolli.  Er ekki einkver þarna úti sem getur hugsað sér að taka á móti hugmynda sendingu stöku sinnum? Hausinn á mér er að springa!!!